Кэнники сылларга кыра БПЛА-лары ойуур баһаардарын кэтээн көрүүгэ үгүстүк, күн аайы кэриэтэ туттар буоллулар, диэн СӨ Экологияҕа министиэристибэтэ иһитиннэрэр. Дроннары салгынынан кэтээн көрүүгэ, ойуур баһаарын балаһыанньатын быһаарарга уонна айылҕа уларыйыытын бэрэбиэркэлииргэ туһаналлар, суруйда Саха сирэ саайт.
Ааспыт сылга «Пилота суох авиация систиэмэлэрэ» национальнай бырайыак чэрчитинэн ойуур харыстабылын үлэтигэр пилота суох көтөр аппарааттары Томпо, Бүлүү уонна Үөһээ Бүлүү улуустарыгар туһаныллыбыта.
2024 сыл баһаар сезона саҕаламмытыгар бэс ыйын 14 күнүттэн атырдьах ыйын 3 күнүгэр диэри икки сөмөлүөт тииптээх экипаж уопсайа 130 чаас көппүтэ бэлиэтэммитэ. Ол түмүгэр суоллаах-иистээх сиргэ 126 баһаар турбута биллибитэ.
Итини тэҥэ, киһи мээнэ тиийбэт уустук суоллаах-иистээх сиригэр 94 хонтуруоллуур үлэ ыытыллыбыта, ол иһигэр 42 хонтуруоллуур, кэтээн көрөр үлэ БПЛА-лары туһанан ыытыллыбыта.
