25 Ыам ыйа 25.05
  • -7°
  • $ 104,68
  • 115,6

Култуура волонтердара «Я.Помню» электроннай карта оҥоһуутугар ылыстылар

13:03, 19 августа 2020
Текст:

Култуура волонтердара «Я.Помню» диэн Аҕа дойду улуу сэриитигэр анаммыт өйдөбүнньүк сирдэр, мемориаллар, буойуттар көмүллүбүт сирдэрин көрдөрөр электроннай карта оҥоһуутугар ылсыбыттарын туһунан култуура министиэристибэтин пресс-сулууспата СИАҕа иһитиннэрэр.


Интерактивнай google-картаны Улуу Кыайыы 75 сылынан Арассыыйа хас биирдии региона бэйэтин территориятыгар  оҥостор.

«Биһиэхэ пааматынньык туһунан иһитиннэрэллэр, хаартыскатын ыыталлар, олору картаҕа киллэрэбит. Улуустар бэйэлэрэ эмиэ киллэриэхтэрин сөп. Интернет мөлтөх сиригэр биһиги көмөлөһөбүт. Номнуо Ленскэй, Дьааҥы, Уус-Маайа, Булуҥ улуустарын кытары үлэлэһэн олоробут», — дииллэр волонтердар.

Билигин Саха сиригэр алта буойуттар көмүллүбүт сирдэрэ баара биллэр. Ханна көмүллүбүттэрэ биллибэт сирдэр эмиэ бааллар. Олортон биирдэстэрэ эрэ – лүөччүктэр Михайлюк Александр Артемович (1915-1943), Гроздненскай Иуда Леонтьевич (1910-1943), Суранов Иван (1924-1943) бырааттыы уҥуохтара култуурунай нэһилиэстибэ эбийиэгинэн буолаллар. «Я.Помню» бырайыак көмөтүнэн бу курдук эбийиэктэр, Аҕа дойду уодаһыннаах сэриитин өйдөбүнньүктэрин электроннай картаҕа үйэтитиэхтэрэ.

Бырайыак ааптардарынан «Наша Победа» тэрийэр хамыһыйа, РФ оборонаҕа министиэристибэтэ, «Волонтеры Победы» хамсааһын, Российскай историческай уопсастыба уонна Российскай байыаннай-историческай уопсастыба буолаллар.

Следите за самым важным и интересным в Telegram-канале и WhatsApp-группе ЯСИА
0
0