22 От ыйа 22.07
  • 23°
  • $ 88,02
  • 96,04

Колымана хат буолуон сөп, ити эрээри "Орто дойдулар" 100% мэктиэлээбэттэр

16:51, 25 сентября 2019
Текст:
Читайте нас на
Яндекс Новости
ЯДВ

Саха сирин олохтоохторо таптыыр кыыллара уонна «Орто дойду» зоопарка сулуһа Колымана иккистээн хат буолуон сөп. Үрүҥ эһэ үчүгэйдик аһыыр, балык сыатын сөбүлүүр уонна ыйааһынын эбэр. Ити эрээри «Орто дойду» зоопаркатыгар иитиллээччилэрэ хат буолбутун сүүс бырыһыан мэктиэлээбэттэр. Бу туһунан зоопарка научнай-сырдатар отделын сэбиэдиссэйэ Наталья Сафонова СИА-ҕа иһитиннэрдэ. 


Колымана Саха сирин зоопаркатыгар 2012 сыллаахха кэлбитэ, билигин кини 7 саастаах. Улаатар, сыл устата аһылыгар уларытыылары киллэрдэ: сайынын нуорма аска турбут, күһүн — сыалаах аска көстө.

«Биһиги, биллэн турар, куруук күүтэбит уонна сабаҕалыыбыт, ити эрээри Колымана хат буолбут диэн чуолкай этэр кыахпыт суох. Аһын рационун аҕыйатта, балык сыатын сиир, кыһыҥҥытыгар битэмииннэри хаһаанар. Билигин төгүрүйдэ, эбилиннэ уонна бытаарда. Ити эрээри син биир көхтөөх, сүүрэр уонна сөтүөлүүр, сылаас күннэр тураллар. Улаханнык саҥарарбын сөбүлээбэппин, кыылларбытыгар оҕолорбутугар курдук харыстаан сыһыаннаһабыт. Кэлэр сылы күүтэбит, онно чопчу биллиэ», — диэтэ Наталья Сафонова. 

Колымана хат буолбутун туһунан сурах былырыын эмиэ тарҕана сылдьыбыта, ити эрээри иһитиннэрии бигэргэммэтэҕэ.

Санатар эбит буоллахха, Колымана доҕоро Ломоносов Саха сиригэр Санкт-Петербургтан кэлэ сылдьыбыта. 2017 сыллаахха кинилэр бастакылара Хаарчаана төрөөбүтэ.

Следите за самым важным и интересным в Telegram-канале и WhatsApp-группе ЯСИА