12 Атырдьах ыйа 12.08
  • 17°
  • $ 60,62
  • 62,52

Искусство оскуолалара саҥа музыкальнай инструмент уонна үөрэх матырыйаала ылыахтара

47,8 мөл солк тахса үбүлээһини тоҕус оройуон искусствотын оскуолалара тутуохтара. Манна кинилэр музыкальнай инструмент, үөрэх матырыйаала ылыныахтара. Үбүлээһин «Культурная среда» национальнай бырайыагынан көрүллэр, култуура министиэристибэтин пресс-сулууспата иһитиннэрдэ. 


2021 сылга саҥа оборудованиенан, инструменынан уонна үөрэх матырыйаалынан икки Арктика оскуолата хааччыллыаҕа: Үөһээ Халыматааҕы искусство оскуолата 4,6 мөл солк, Баатаҕай — 5,5 мөл солк. Кинилэри сэргэ Мииринэй — 6,4, Жатай — 5, А.А. Черемных аатынан Амматааҕы оскуола — 6,6,  Н.И. Бойлохов аатынан Үөһээ Бүлүүтээҕи оскуола — 4,6, Бэрдьигэстээх — 4,1, Покровскай — 5, Ф.С. Аргунов аатынан Тааттатааҕы оскуола — 5,5 мөл солк.

Үбүлээһининэн туһанар оскуолалар испииһэктэрин анал хамыыһыйа оҥордо, Россия култууратын министиэристибэтинэн бигэргэннэ. Оскуолалар музыкальнай искусство эйгэтигэр эбии бырагыраамалары ылынан үлэлиэхтээхтэр.

Сиһилии https://ysia.ru/devyat-detskih-shkol-iskusstv-yakutii-poluchat-novye-muzykalnye-instrumenty-i-uchebnye-materialy/

Следите за самым важным и интересным в Telegram-канале и WhatsApp-группе ЯСИА
0
0