Умайа сытар торфтаах сирдэринэн Ньурба уонна Сунтаар эрэ буолбатахтар. Саха сиригэр манна анаан үлэ ыытыллыаҕа, кэлэр саас эмиэ уот турбатын туһугар. Ол туһунан Ил Дархан Айсен Николаев бүгүн пресс-конференция кэмигэр эттэ, суруйар СИА.
Саха сирин баһылыга Айсен Николаев бэлиэтээбитинэн, быйылгы курдук улахан баһаардар суола суох хаалбаттар. Билигин хаар аннынан торф умайа сытар. Маннык көстүү улахан уот кэнниттэн баар буолар.
«Торфяниктар уһуннук умайаллар. Миэрэни ылыахха наада, саас эмиэ саҥаттан умайан тахсыбатын туһугар. Бу барыта ырытыллан үөрэтиллэр. Билигин, хомойуох иһин, маннык үөскэтээччи төрүөттэр Ньурба уонна Сунтаар эрэ улуустарыгар баар буолбатахтар. Үлэ барыаҕа, баһаар кутталлаах буолар кэмигэр бэлэм буоларбыт курдук», — диэтэ кини.
Кини эппитинэн, Ньурба улууһун баһаара 2020 сыллааҕыттан саҕаламмыт торфа умайыытын кытта ыкса сибээстээх. Салайааччы Саха сиригэр кэлэр сылга уоту кытта охсуһууга үбүлээһин 5,5 төгүл улааппытын эттэ.
Хаартыска: Андрей Сорокин, ЯСИА
