22 От ыйа 22.07
  • 15°
  • $ 88,02
  • 96,04

Ил Дархан кыстык от атыытыгар РФ бырабыыталыстыбатыттан көмө көрдөөтө

11:01, 04 августа 2021
Текст:
Читайте нас на
Яндекс Новости
ЯДВ

От ыйын 27 күнүгэр РФ бырабыыталыстыбата Уһук Илиҥҥэ ыксаллаах быһыыга-майгыга анаммыт мунньаҕар Ил Дархан Айсен Николаев сүөһү-сылгы кыстык отун итэҕэһин атын эрэгийиэннэртэн атыылаһарга федерация саппаас пуондатыттан 1,3 млрд солкуобай көмө көрдөөтө. Бу туһунан СИА ТАССка сигэнэн суруйар.


Мунньаҕы дойду премьер-миниистирэ Михаил Мишустин салайан ыыппыта.

«Биһи эрэгийиэҥҥэ урут буолбатах кураан дьыл туран, сүөһү-сылгы кыстык аһылыгын бэлэмнииргэ күчүмэҕэйдэри үөскэттэ. Билигин тиийбэт оппутун атын эрэгийиэннэртэн атыылаһынары толкуйданабыт. Маныаха саппаас пуондаттан көмө быһыытынан 1,3 млрд солкуобайы көрөргүтүгэр көрдөһөбүн», — диэтэ Айсен Николаев.

Кини өрөспүүбүлүкэҕэ от былаана 70%, сорох улуустарга 40-50% туолар кыахтааҕын эттэ. Ордук тыа хаһаайыстыбатынан дьарыктанар улуустарга уустук балаһыанньа үөскээбитин эттэ. Ил Дархан сүөһү төбөтүн ахсаанын сүтэрбэт туһуттан суһал дьаһаллар наадаларын эттэ.

Следите за самым важным и интересным в Telegram-канале и WhatsApp-группе ЯСИА