Президент Владимир Путин бэйэтин этиитигэр дойду уонна Россия олохтоохторун интэриэстэрин харыстыыр туһунан чуолкайдык эттэ. Россия улуу судаарыстыба буоларынан, ханнык баҕарар куттал суоһууругар сөптөөх быһаарыы ылыныахтаах. Украинаҕа буола турар балаһыанньаны Айсен Николаев комментарийдаата.
«Биһиги бырааттыы норуоттарбыт неонацистар илиилэригэр киирэн биэрэллэрин сөпсөһүө суохтаахпыт <…> Биһиги Владимир Владимирович быһаарыытын толору өйүүбүт. Кини туруорбут соруктара барыта туоларыгар эрэллээхпин. Саха сирэ Донецкай уонна Луганскай Народнай өрөспүүбүлүкэлэр олохтоохторугар көмөлөһөрүн биллэрбитэ», — диэтэ регион баһылыга.
Айсен Николаев Саха сирэ уонна Крым өрөспүүбүлүкэтэ бииргэ үлэлээһиннэригэр меморандум баттаммытын иһитиннэрдэ. «Меморандум Саха сирэ Крым өрөспүүбүлүкэтигэр Ялтаттан чугас Алупка куоракка санаторнай-курортнай эмтэнии эбийиэктэрин ыларыгар төрүөт буолар. Бу үлэлии турар санаторнай комплекс, сотору кэминэн Саха сирин олохтоохторун, бастатан туран, оҕолору ыларга бэлэм», — диэтэ Ил Дархан уонна Крым өрөспүүбүлүкэтин баһылыгар Сергей Аксёновка махталын биллэрдэ.
