Бүгүн, кулун тутар 27 күнүгэр, Ил Дархан Айсен Николаев Дьокуускайга тутулла турар Эпос уонна искусство Арктикатааҕы киинигэр сырытта, суруйда Саха сирэ саайт.
Хаартыска: Ил Дархан телеграмыттан.
Хаартыска: Ил Дархан телеграмыттан.
«Үлэ тигинэччи бара турар, болдьох тутуһуллар. Хатыламмат, ураты кэрэ эбийиэк буолуоҕа диэн этиэхпин баҕарабын. «Азия оҕолоро» оонньуулар саҕаланыытыгар эбийиэк тас өттө бэлэм буолуоҕа. Билигин уот-күөс, тыас-уус, мультимедиа тэриллэрин атыылаһыы үлэтэ түмүктэнэн эрэр. Өрөспүүбүлүкэ култууратыгар суолталаах эбийиэк болдьоҕор үлэҕэ киирэрин туһуттан, тутуу тэтимин ыһыктыбаттарыгар соруйдум»,—диэн Айсен Николаев телеграм-ханаалыгар суруйда.
