18 От ыйа 18.07
  • 18°
  • $ 88,09
  • 96,3

Хаандыгаҕа Саха сирин Судаарыстыбаннаһын күнүгэр саҥа тутуулар үлэҕэ киирдилэр

Читайте нас на
Яндекс Новости
ЯДВ

Томпо улууһун киинигэр Хаандыга бөһүөлэгэр бырааһынньык күн төһө да хаар күүскэ түстэр дьон-сэргэ болуоссакка муһунна.


Саха сирин Судаарыстыбаннаһын күнүнэн Саха сирин доруобуйа харыстабылын министрэ Михаил Охлопков, Томпо улууһун баһылыгын бастакы солбуйааччы Иван Афанасьев, Хаандыга бөһүөлэгин баһылыга Михаил Алексеев уонна улуус бэтэрээннэрин сэбиэтин бэрэссэдэтээлэ Галина Готовцева эҕэрдэ тыл эттилэр.

Саха сирин сайдыытыгар кылааттарын киллэрбит советскай-партийнай үлэһит Егор Дмитриевич Кычкин уонна Социалистическай Үлэ Геройа Василий Михайлович Кладкин бюстарыгар веноктары уурдулар.

Бу үөрүүлээх күн Хаандыга бөһүөлэгэр тулаайах оҕолорго анаан тутуллубут дьиэ аһыллыыта буолла. Алта эдэр киһиэхэ саҥа кыбартыыралар күлүүстэрин улуус баһылыга Георгий Герасимов туттарда.

Хаандыгатааҕы оҕо искусствотын оскуолатыгар самодеятельнай артыыстар бырааһынньыктааҕы кэнсиэр көрдөрдүлэр.

Следите за самым важным и интересным в Telegram-канале и WhatsApp-группе ЯСИА