24 От ыйа 24.07
  • 15°
  • $ 87,3
  • 95,46

Хаҥалас аграрийдара дьиэ кэргэн пиэрмэтин сайыннарыыга граннары ыллылар

18:01, 16 июня 2020
Текст:
Читайте нас на
Яндекс Новости
ЯДВ

Өрөспүүбүлүкэ тыа хаһаайыстыбатын министиэристибэтигэр «Дьиэ кэргэн пиэрмэлэрин сайыннарыы» федеральнайдааҕы граннарга куонкурус түмүктэннэ. СИА Хаҥалас улууһун дьаһалтатын пресс-сулууспатыгар сигэнэн суруйар.


Куонкуруска барыта 24 индивидуальнай предприниматель кытынна – бааһынай-пиэрмэрскэй хаһаайыстыбалар баһылыктара.

Хаҥалас улууһун баһылыгын солбуйааччы Олег Иринеев иһитиннэрбитинэн, улуустан түөрт хаһаайыстыба граҥҥа тигистэ.

“Быйыл коронавируһунан сибээстээн, бизнес-былааннарын видеоконференцсибээс эрэһииминэн көмүскээтилэр. Биһиги улуустан Андрей Скрябин (Көрдөм), Михаил Атласов (Тиит Эбэ), Василий Уаров (Уулаах Аан) уонна Акулина Львова (Булгунньахтаах) граҥҥа тигистилэр, улахан көмөнү ыллылар.

Граннар суумалара 6 — 15 мөл солк иһигэр халбаҥныыр. Түөрт кыайыылаахтан үс БПХ сылгы иитэр, үбүлээһин пиэрмэни тутууга, уларытан тутууга, комплектациялааһыҥҥа, сүөһү ылыытыгар ыытыллар” – диэтэ Олег Иринеев.

Следите за самым важным и интересным в Telegram-канале и WhatsApp-группе ЯСИА