28 Кулун тутар 28.03
  • -12°
  • $ 92,59
  • 100,27

Горнайга Семен Исаков 80 cааһыгар аналлаах дуобакка өрөспүүбүлүкэтээҕи турнир ыытылынна

17:45, 19 октября 2016
Текст:
Читайте нас на
Яндекс Новости
ЯДВ

Алтынньы 15-16 күннэригэр Горнайга дуобакка ССРС спордун маастара, РСФСР үөрэҕириитин туйгуна, СӨ үөрэҕириитин үтүөлээх үлэһитэ, «Гражданскай килбиэн» бэлиэ кавалера, Горнай улууһун Бочуоттаах олохтооҕо Семен Спиридонович Исаков 80 cааһыгар аналлаах дуобакка өрөспүүбүлүкэтээҕи турнир үрдүк тэрээһиннээхтик ыытылынна.


Оҕо спортивнай оскуолатыгар Горнайтан, Мэҥэ Хаҥаластан, Дьокуускайтан, Тааттаттан, Амматтан, Чурапчыттан, Хаҥаластан, Уус Алдантан, ХИФУ хамаандатыттан 50 кыттааччы күөн көрүстэ.

Улуус оҕолоругар: I миэстэ – Арсен Михайлов, II – Виталий Заровняев, III – Лена Григорьева.
Бэтэрээннэргэ: I – Илья Васильев (Хаҥалас), II – Василий Куприянов (Мэҥэ Хаҥалас), III– Николай Саввинов (Дьокуускай).
Дьахталларга: I – Тунаара Федорова (Горнай), II – Ньургуяна Азарова (ХИФУ), III – Уйгулаана Варламова (ХИФУ).
Улууспут бэтэрээннэригэр: I – Афанасий Говоров, II – Василий Пахомов, III – Семен Николаев.
Абсолютнай: I – Гаврил Колесов (Дьокуускай) «Горнай улууһа» МО (баһылык Н.В.Андреев) бирииһинэн 80 тыһ. солк., II – Андрей Федотов (Амма) «Бэрдьигэстээх нэһилиэгэ» МО (баһылык М.С.Парфенов) бирииһинэн 40 тыһ. солк., III – Николай Гуляев (Таатта) оҕо улуустааҕы спортивнай оскуолата (дириэктэр Е.Д.Захаров) туруорбут 20 тыһ. солк. наҕараадаланнылар.

«Күрэхтэһии тэрээһиннээхтик, олус тыҥааһыннаахтык ааста. Бу кыайыым сүрдээх ыараханнык кэллэ, очукуо аҥаарынан эрэ кыайыыны ситистим. Иккис, үһүс миэстэ буолбут уолаттар бастыыр иһин кииристилэр. Күрэхтэһээччилэр үрдүк таһымнаахтар. Тунаара Федорова олох үчүгэй оонньууну көрдөрдө, сөхтөрдө. VIII-IX туурга кыайдым. Семен Спиридоновиһы эҕэрдэлээн туран, улуус, нэһилиэк дьаһалтатын салалтатыгар, тэрийэр хамыыһыйаҕа махталбын тириэрдэбин», — диэтэ Норуоттар икки ардыларынааҕы гроссмейстер, нуучча дуобатыгар аан дойду VII төгүллээх чемпиона, Россия элбэх төгүлллээх чемпиона, II-с Аан дойду Интеллиадатын кыайыылааҕа, бүгүҥҥү күрэхтэһии абсолютнай кыайыылааҕа Гаврил Колесов.

Следите за самым важным и интересным в Telegram-канале и WhatsApp-группе ЯСИА