Быйылгы үөрэх сылыгар, Горнай улууһугар үлэлиир «Сайдыы суола» уопсастыбаннай тэрилтэ уонна Л.Е.Лукина аатынан Эбии үөрэхтээһин киинэ, «Оҕолор сахалыы ойуулуктары оҥороллор» диэн бырайыагы көҕүлээн олоххо киллэрэ сылдьаллар. Бырыйыак Ил Дархан гранын куонкуруһун кыайыылааҕа буолан өйөбүлүылбыта.
Бырайыак сүрүн сыала-соруга — учууталлары, иитээччилэри, уһуйааччылары уонна оҕолору ойуулуктары айан, оҥорон, таҥан таһаарарга үөрэтии ылбыт билиилэрин, сатабылларын туһанан, сахалыы ойуулуктары оҥорууну көҕүлээһин буолар.
Бу күннэргэ киин эдэр уһуйааччыта Алаайа Андреева «Базовые компетенции компьютерной анимации» диэн маастар—кылааһы ыытан билиитин-көрүүтүн үллэһиннэ. Алаайа Никитична «художник-мультипликатор» анал үөрэҕин баһылаабыт эдэр кэскиллээх уһуйааччы буолар.
Фото автора
Маастар кылааска өрөспүүбүлүкэбит араасулуустарыттан уонна Дьокуускай куораттан 7 оҕо и 18 оскуола, дьыссаат иитээччилэрэ, төрөппүттэрэ кииҥҥэ кэлэн уонна куйаар ситимин нөҥүө холбонон кыттыыны ыллылар, билиҥҥи бириэмэҕэ олус наадалаах ньыма кистэлэҥнэрин, кыахтарын үөрэттилэр.
Фото автора
Маастар кылаастарга кыттыыны ылбыт уһуйааннары төрөппүттэри, муус устар 21 күнүгэр «Сайдыы суола» уопсастыбаннай тэрилтэ көҕүлээн ыытар өрөспүүбүлүкэ таһымнаах «Айар аартык» бэстибээлигэр, дьарыктаабыт оҕолоргут бастакы айымньыларынан көхтөөхтүк кыттыахтара диэн эрэнэбит уонна ыҥырабыт.
Ааптар: Александра Колесова, «Сайдыы суола” түмсүү салайааччыта
