Муус устар 19 күнүгэр Саха норуодунай суруйааччыта, бөдөҥ государственнай деятелэ Софрон Петрович Данилов 100 сааһын бэлиэтиибит, диэн СИА-ҕа суруйдулар Горнай улууһуттан.
Муус устар 15 күнүгэр Бүтүн өрөспүүбүлүкэ үрдүнэн «Даниловскай дьыктаан» аахсыйа биллэриллэр. Тэрийээччилэр: Саха Өрөспүүбүлүкэтин национальнай библиотеката, Горнай улууһун Петр Аввакумов аатынан Киин библиотеката. Ыытыллар сирэ: библиотекаларга, оскуолаларга тус кэлэн кыттыы күнүс 15 чаастан 16 чааска диэри ыытыллар.
«Софрон Данилов айар үлэтин, чаҕылхай олоҕун-дьаһаҕын, төрөөбүт дойдутун туһугар үлэтин-хамнаһын туһунан 25 ыйытыылаах тест толорон, билиигитин тургутан көрөргүтүгэр ыҥырабыт!«, — диэн суруллар иһитиннэриигэ.
Сайаапканы муус устар 12 күнүгэр диэри berlib@list.ru электроннай почтаҕа күүтэллэр. Билсэр нүөмэргит: 8(411)31-4-20-27 уонна 8(914)300-11-09.
«Данилов дьыктааныгар» кыттыытын туоһулуур Сурук туттарыллар.
Саха Өрөспүүбүлүкэтэ барҕарыы суолунан сайдарыгар бөҕө акылаатын уурсубут саха норуотун чулуу уола Софрон Даниловка өлбөт-сүппэт албан аат буолуохтун!
