22 От ыйа 22.07
  • 26°
  • $ 88,02
  • 96,04

Гаврил Колесов: “Тустууктарбытыгар ыалдьа кэллибит”

12:00, 29 января 2016
Текст:
Читайте нас на
Яндекс Новости
ЯДВ

— Гаврил, Красноярскайга хайдах быһыылаахтык айаннаан кэлбиккин кэпсээ эрэ?
— Биһиги тохсунньу 25 күнүгэр Дьокуускайтан хоҥнубуппут, тустууну таптааччылары кытта, уонна сарсыныгар Нерюнгрига айаннаан кэлэн баран, массыынабытын хаалларан, салгыы Красноярскайга самолетунан кэллибит. Квартира куортамнаан түстүбүт уонна олунньу иккис күнүгэр эмиэ Нерюнгринан төннүөхтээхпит.

— Хас биирдии саха уола кыратыгар тустан көрөр, ол сиэринэн ыйыттахха эн тустууга сыһыанын хайдаҕый?
— Сахаларга тустуу былыр-былыргыттан саамай чугас, сөбүлүүр көрүҥмүт. Мин кыра сылдьан син эмиэ бары саха уолаттарын курдук туста оонньоон улааппытым. Хас биирдии саха эр киһитэ тустууга син биир киирэн ааһар. Оҕо сылдьан мэниктээн тэлгэһэҕэ мадьыктаһарбыт, хапсаҕайдаһарбыт…

— Былырыын эмиэ Иван Ярыгин аатынан турниры кэлэн көрбүккүн истибитим.
— Былырыын наар сиринэн, массыынанан айаннаан кэлбиппит. Үс аҥаар суукка айаннаабыппыт, кырдьык, арыый да сылаалаах этэ. А так, сири-дойдуну көрөргө үчүгэй.

— Эйиэхэ Красноярскайдааҕы турнир хайдаҕый? Ханнык өйдөбүллээххиний?
— Быйыл олимпийскай сыл буолан күүстээхтэр бары кытта сатыыллар. Сүрдээх сытыы киирсиилэр буолуохтара дии саныыбын. Былырыын көрбүт буоламмын, бу күрэхтэһии накалын чувствуйдуубун. Сахалар биһиги тустууктарбыт хаһан баҕарар буоларыныы, бойобуой састаабынан кытталлар. 57 киилэҕэ холобура уон бөҕөстөөхпүт, манна икки мэтээл кэлиэн наада дии саныыбын. 61 кг ыйааһыҥҥа эмиэ икки мэтээл кэлиэн сөп. Дьиҥэ, табылыннаҕына икки ыйааһыҥҥа иккиэннэригэр кыһыл көмүс мэтээл ылыахпытын сөп. Виктор Лебедевкэ бастыырыгар эрэнэбин. Иккис-үһүс да миэстэ буоллаҕына – нормально. Тоҕо диэтэххэ, кини бэйэтин ыйааһыныттан өрө тахсан тустар. Кылаабынайа Россия чемпионатыгар ситиһиилээхтик тустан, олимпийскай путевканы ылыан наада.

-Быйыл хаһааҥҥытааҕар даҕаны Саха сириттэн Красноярскайга элбэх тустууну таптааччы кэлбит быһыылаах. Ким көтөр аалынан, ким массыынан, ким поеһынан…
-Тустууну сэҥээрээччилэр ким хайдах сатыырынан, ким төһө кыахтааҕынан кэлэ сатаабыттар. Сарсын да эбиллэллэрэ буолуо. Бары күүскэ ыалдьыахпыт, бэйэбит уолаттарбытыгар. Ситиһиилээхтик тусталларыгар баҕарабыт уонна онтон биһиги сирбитин-уоппутун алҕаан, уолаттарбыт төһө кыалларынан элбэх мэтээли ылалларыгар баҕарабыт.

Следите за самым важным и интересным в Telegram-канале и WhatsApp-группе ЯСИА