19 Кулун тутар 19.03
  • -16°
  • $ 91,98
  • 100,24

Евгений Чекин хамнаһы үрдэтиигэ мунньахтаата

13:17, 30 января 2018
Текст:
Читайте нас на
Яндекс Новости
ЯДВ

Бырабыыталыстыба Бэрэссэдээтэлэ Евгений Чекин бүддьүөт үлэһиттэрин хамнастарын төлөбүрүн боппуруоһугар анаммыт сүбэ мунньаҕы ыытта. Онно Үлэ уонна социальнай сайдыы миниистирэ Александр Михеев иһитиннэрбитинэн, 2017 сыл түмүгүнэн өрөспүүбүлүкэтээҕи уонна муниципальнай тэрилтэлэргэ үлэһиттэр хамнастарын үрдэтиигэ Президент ыам ыйынааҕы ыйааҕынан быһаарыллыбыт кирбии ситиһиллибит.


Бырабыыталыстыба Бэрэссэдээтэлин солбуйааччы Алексей Дьячковскай министиэристибэлэри, биэдэмистибэлэри уонна олохтоох салайыы уорганнарын кытары 2018 сыл тохсунньу 1 күнүттэн бүддьүөт үлэһиттэрин хамнастарын үрдэтиигэ уонна хамнас алын кээмэйин улаатыннарыыга мониторинг, хонтуруол үлэтин олохтообут.

Мунньахха бүддьүөт үлэһиттэрин хамнастара үрдээһининэн сибээстээн, 2018 сылга Россия Федерациятыгар үлэ төлөбүрүн алын кээмэйэ (МРОТ) улаатыытынан, ыам ыйынааҕы ыйаахха хабыллыбатах эйгэ үлэһиттэрин хамнастарын итиэннэ намыһах хамнастаах үлэһиттэр үлэлэрин төлөбүрүн араҥалыырга дьүүллэһилиннэ. Түмүккэ Үлэ уонна социальнай сайдыы министиэристибэтигэр Экономика министиэристибэтин кытары 2018-2020 сс. бүддьүөт эйгэтин үлэһиттэрин хамнастарын үрдэтии уонна хамнас алын кээмэйин улатыннарыы дьаһалларын былаанын ырытан оҥорорго, онуоха федеральнай сокуон чэрчитинэн итиэннэ тустаах бөлөх үлэһиттэрин уонна атын категория үлэһиттэрин хамнастарын төлөбүрүн араҥалааһыны чөлүгэр түһэриинэн оройуоннааҕы коэффициены учуоттаан, үлэлиир кыахтаах нэһилиэнньэҕэ хамнас алын кээмэйин тиийинэн олоруу алын кээмэйигэр тиэрдэр дьаһаллары киллэрэргэ этилиннэ.

Следите за самым важным и интересным в Telegram-канале и WhatsApp-группе ЯСИА