21 От ыйа 21.07
  • 22°
  • $ 88,02
  • 96,04

Электроннай үлэ киниискэтигэр көһүү болдьоҕо бүтэрэ чугаһаата

11:01, 07 декабря 2020
Текст:
Читайте нас на
Яндекс Новости
ЯДВ

Электроннай үлэ киниискэтигэр көһүү бу сыл ахсынньы 31 күнүнэн түмүктэнэр. Үлэһиттэр тэрилтэлэрин салайааччытыгар электроннай кинигэҕэ көһөллөрүн эбэтэр кумааҕы киниискэлэригэр хаалалларын туһунан сайабылыанньаны бу сыл бүтүөр диэри биэриэхтэрин наада. Бу туһунан Арассыыйа пенсионнай пуондата суруйар.


Электроннай үлэ киниискэтин талбыттар кумааҕы киниискэлэрин илиилэригэр ылаллар. Онно үлэһит электроннай кинигэни талбытын туһунан бэлиэтээһин баар буолар. Кинигэни быраҕыллыбат. Электроннай үлэ киниискэтин 2020 сыл тохсунньу 1 күнүттэн саҕалаан толоруохтара. Цифровой киниискэҕэ көһүү үлэһит баҕатынан оҥоһуллар.

2021 сылтан үлэҕэ киирбиттэр киниискэлэрэ электроннай буолуо. Кинилэргэ кумааҕы киниискэ оҥоһуллубат.

Кумааҕы киниискэни талбыт үлэһиккэ электроннай кинигэ холбуу оҥоһуллар. Сыл бүтүөр диэри сайабылыанньатын биэрбэтэх үлэһиккэ кумааҕы киниискэни толоруохтара.

Электроннай кинигэ бэлиэтээһиннэрин страховкалаах дьон Госуслуга порталын нөҥүө көрүөхтэрин сөп. Наадалаах сибидиэнньэни кумааҕыга бэчээттээн биэриэхтэрэ.

Следите за самым важным и интересным в Telegram-канале и WhatsApp-группе ЯСИА