Үлэни биэрээччи тэрилтэтин сотрудниктара үлэ киниискэтин киэбин талыыларыгар биллэриини биэрии түмүктэнэрэ ый курдук хаалла, СИА-ҕа биэнсийэ пуондатын пресс-сулууспата иһитиннэрдэ.
Саха Өрөспүүбүлүкэтигэр үлэни биэрээччилэр тэрилтэлэрин сотрудниктара үлэ киниискэтин киэбин талыыларыгар иһитиннэрии түмүктэнэрэ бэрт кыра кэм хаалла. Биллэрии суругунан оҥоһуллар. Ис хоһоонугар 2020 сыл бүтүөр диэри үлэ киниискэтин ханнык киэбинэн — электроннай эбэтэр кумааҕынан — хаалларалларын ыйалларыгар этиллиэхтээх. Маннык биллэриилэри үлэһиттэр 2020 сыл тохсунньутуттан бэс ыйын 30 күнүгэр диэри тутуохтаахтар.
Оттон үлэһит биллэриигэ эппиэтин — үлэ киниискэтин электроннай эбэтэр кумааҕынан хаалларарын — 2020 сыл ахсынньы 31 күнүгэр диэри биллэриэхтээх.
Бэлиэтээн этэр буоллахха, өскөтүн үлэһит киниискэтин кумааҕынан хаалларар түгэнигэр, кэлин син-биир электроннай киэпкэ көһөрөр, сокуон ирдэбилэ оннук.
2020 сыл саҕаланыаҕыттан Саха сиригэр кумааҕы үлэ киниискэтин 40622 киһи хаалларбыт, 10412 үлэһит электроннай киэпкэ көспүт.
