16 От ыйа 16.07
  • 21°
  • $ 87,81
  • 95,78

Егор Филиппов Олоҥхо Ыһыаҕар ыстаҥаҕа кыайда

16:04, 29 июня 2016
Текст:
Читайте нас на
Яндекс Новости
ЯДВ

Олоҥхо Ыһыаҕын спортивнай оонньууларыгар: мас тардыһыытыгар, хапсаҕайга уонна ыстаҥаҕа уопсайа сүүс кэриҥэ спортсмен кытынна.


Ыстаҥаҕа быйылгы Дыгын Оонньууларын кыайыылааҕа Хаҥаластан төрүттээх Егор Филиппов тэҥнээҕин булбата. Киниэхэ 250 тыһ.солк. бириис быһыытынан биэрдилэр. Кини кэнниттэн Иван Пестряков (Уус-Алдан) буолла, оттон үһүс миэстэни Айаал Иванов (Бүлүү) ылла.

Хапсаҕайга өрөспүүбүлүкэ чөмпүйүөнэ Юрий Старостин (Үөһээ Дьааҥы) уонна Савелий Оконешников аатынан турнир муҥутуур кыайыылааҕа Дмитрий Шадрин (Орто Халыма) финалга күөн көрүстүлэр. Эрийсиилээх, сытыы киирсии кэнниттэн Үөһээ Дьааҥы бөҕөһө хотон, 200 тыһ.солк. бириэмийэ быһыытынан ылла.

Мас тардыһыытыгар Амма мадьыныта Егор Баишев финалга Сунтаартан төрүттээх Федор Федоровы кыайда. Өлүөхүмэ мадьыныта Иннокентий Миронов боруонса мэтээли кэттэ.

Дьахталлар ортолоругар оҕунан ытыыга Надежда Кожурова (Дьокуускай) кыайыы көтөллөннө, «Азия оҕолорун» IV-с оонньууларын кыттыылааҕа Анжела Сидорова иккис миэстэ буолла, оттон боруонса мэтээли Айгуля Слепцова (Эбээн Бытантаай) ылла.

Оҕунан ытыыга Олоҥхо Ыһыаҕын үс төгүллээх чөмпүйүөнэ Рустам Ксенофонтов (Сунтаар) кыайыылаах үрдүк аатын ылла. Үрүҥ көмүс мэтээли Ньургун Петухов (Уус Алдан) кэттэ, оттон боруонсаны — Алексей Козлов (Усуйаана).

Следите за самым важным и интересным в Telegram-канале и WhatsApp-группе ЯСИА