14 От ыйа 14.07
  • 24°
  • $ 87,74
  • 95,76

Егор Борисов Евгений Чекин кандидатуратын Саха сирин премьер-миниистирин дуоһунаһыгар киллэриэ

12:05, 17 октября 2016
Текст:
Читайте нас на
Яндекс Новости
ЯДВ

Өрөспүүбүлүкэ баһылыга Егор Борисов Ил Түмэн Мунньаҕар Саха сирин бырабыыталыстыбатын бэрэссэдээтэлин дуоһунаһыгар Евгений Чекин кандидатуратын киллэриэ. Ил Дархан бу туһунан бүгүн сарсыардааҥы сүбэ мунньах кэмигэр эттэ.


Санатар эбит буоллахха, бу иннинэ бырабыыталыстыба бэрэссэдээтэлинэн үлэлээбит Галина Данчикова Госдума 7-с ыҥырыытын депутатынан талыллыбыта.

Евгений Алексеевич Чекин 1973 сыл атырдьах ыйын 24 күнүгэр Ярославскай уобалаһыгар төрөөбүтэ. Ярославскайдааҕы медицина судаарыстыбаннай академиятын, Бүтүн Россиятааҕы үп-экономика институтун бүтэрбитэ.

1995-1997 сс. –  суһал көмө фельдшерскай станциятын санитара;

1997-1998 сс. –  Ярославскайдааҕы  медицина судаарыстыбаннай академиятыгар интернатуратын ааһар;

1998-2002 сс. – суһал көмө станциятын бырааһа;

2002-2003 сс. – санаторий-профилакторий кылаабынай бырааһа; «Региональный Фондовый Центр» автономнай коммерческайа суох тэрилтэ быраабын уонна интэриэһин көмүскүүр МРФ салайааччыта;

2003-2005 сс. – «Региональный Фондовый Центр» автономнай коммерческайа суох тэрилтэ дириэктэрэ;

2005-2007 сс. – үп отделын кылаабынай экономиһа, маркетинг салайыытын кылаабынай менеджера, «БИНБАНК» ААУо кредиттээһиҥҥэ үрдүкү эксперэ;

2007 с. –  «Номослизинг» ААУо РК филиалын дириэктэрэ;

2008-2009 сс. – «ВТБ-лизинг» ААУо туспа салаатын толорооччу дириэктэрэ;

2009-2011 сс. – Ярославскай уобалас экономическай сайдыыга Департаменын отделын салайааччыта;

2011-2012 сс. – Саха Өрөспүүбүлүкэтин экономикаҕа уонна промышленнай политикаҕа министиэристибэтин судаарыстыбаннай-чааһынай бииргэ үлэлээһиҥҥэ Департамент салайааччыта;

2012 сылтан күн бүгүнүгэр диэри Саха Өрөспүүбүлүкэтин экономика миниистирин солбуйааччы.

Следите за самым важным и интересным в Telegram-канале и WhatsApp-группе ЯСИА