18 От ыйа 18.07
  • 18°
  • $ 88,09
  • 96,3

Үөһээ Бүлүү сэлиэнньэтигэр ыраас ууну хачайдыыр ыстаансыйа үлэтэ саҕаланна

Читайте нас на
Яндекс Новости
ЯДВ

Бүгүн Үөһээ Бүлүү улууһун дьонугар-сэргэтигэр биир сүдү суолталаах бэлиэ түгэн буолла. «Водоканал» тэрилтэ тыа сиригэр анаммыт бастакы ууну ыраастыыр ыстаансыйата Үөһээ Бүлүү сэлиэнньэтигэр үлэтин саҕалаата.


Үөһээ Бүлүү улууһа «Водоканал» тэрилтэни кытта бииргэ үлэлэһиини 2018 сылтан саҕалаабыта. Онтон ааспыт сыл күһүнүгэр тэрилтэ оройуон дьаһалтатын кытта концессионнай сөбүлэҥ түһэрсэн, бастакы эбийиэгин үлэҕэ киллэрдэ.

Урукку водозабор дьиэтин өрөмүөннээн, улуус киинин уонна Үөдүгэйи ыраас уунан хааччыйар кыамталаах сабыс-саҥа тэриллэри туруоран, таҥан бүтэрдилэр.

Салгыы ыраас уу ыалларга тиийэр сүрүн ситимин тардарга үлэ саҕаланыаҕа, куонкурус биллэриллибитэ, сайын саҕаланыаҕа. Маны тэҥэ, 2024 сылга диэри ситиминэн барар кирдээх ууну ыраастыыр ыстаансыйа тутуута былааннанар. Оччоҕо хас биирдии дьиэҕэ итии, тымныы уу тиэрдиллэн, толору хааччыллан, усулуобуйа куораттыы тииптээх буолуоҕа.

Саҥа ыстаансыйа минералламмыт «тыыннаах» ууну бэлэмнээн таһаарар уратылаах.

Үөһрүүлээх тэрээһиҥҥэ «Водоканал» АУо генеральнай дириэктэрэ Анатолий Кырджагасов кыттыыны ылла.

Следите за самым важным и интересным в Telegram-канале и WhatsApp-группе ЯСИА