16 От ыйа 16.07
  • 23°
  • $ 87,81
  • 95,78

Дьокуускайга хоккейга өрөспүүбүлүкэ чемпионата буолуоҕа

Фото: Андрей Сорокин/ ЯСИА
Читайте нас на
Яндекс Новости
ЯДВ

Муус устар 7 күнүттэн «Эллэй Боотур» муус дыбарыаһыгар өрөспүүбүлүкэ аҕыс күүстээх хамаандата кыттыылаах хоккейга Саха сирин чемпионата буолуоҕа. Хоккей дружиналара хамаандалар таһымнарыттан икки лигаҕа арахсыахтара, диэн СИА иһитиннэрэр.

Өрөспүүбүлүкэ чемпионатыгар I лигаҕа Мииринэй, Нерюнгри, Мэҥэ- Хаҥалас уонна Дьокуускай хамаандалара кыттыахтара. II лигаҕа Уус-Алдан, Алдан, Хаҥалас оройуоннарын хамаандалара уонна Дьокуускай иккис хамаандата киирсиэхтэрэ.

«Кэлиҥҥи сылларга биһиги хоккеистарбыт маастарыстыбалара үрдээн иһэр. Кэлиҥҥи сылларга, киин куоракка уонна оройуоннарга улахан катоктардаах комплекстар уонна хоккейдыыр кордтаах катоктар тутуллаллар. Быйыл аҕыс хамаанданы икки бөлөххө аҥардаатыбыт. Ааспыт чемпионат түмүгүнэн, Мэҥэ- Хаҥалас улууһа күүстээх хамаандалар бөлөхтөрүгэр тахсан биэрдэ. Интэриэһинэй күрэхтэһии тахсарын туһугар хамаандалар кыахтарын көрөн икки бөлөххө араардыбыт», — диэн Саха сирин хоккей федерациятын бэрэсэдьиэнэ Афанасий Владимиров иһитиннэрдэ.

Муус устар 7-9 күннэригэр «Эллэй Боотур» муус дыбарыаһыгар хас биирдии лигаҕа түөртүү күрэхтэһии ыытыллыаҕа.

Следите за самым важным и интересным в Telegram-канале и WhatsApp-группе ЯСИА