Бэс ыйын 25 — от ыйын 7 күннэригэр, «Азия оҕолоро» оонньуулар ыытыллар кэмнэригэр, Дьокуускайга итирдэр утахтары атыылыыр хааччахтар киирэллэр. Ол туһунан предпринимательство дьыалаларыгар министиэристибэҕэ эттилэр.
«Билигин Дьокуускай куорат баһылыгын дьаһала бэлэмнэнэр. «Азия оҕолорун» кэмигэр итирдэр утахтары атыылыыры бобор туһунан. Хааччахтааһыҥҥа хабыллаллар күрэхтэһии уонна култуурунай тэрээһиннэр буолар эбийиэктэрин таһыгар баар алкомаркеттарга. Кыраныысса уонна хааччах зоналара дьаһалга суруллуоҕа», — диэтилэр биэдэмистибэҕэ.
Министиэристибэ кафе, бар, ресторан манна хабыллыбатын иһитиннэрдэ.
