Росавиация ахсынньы 25 күнүгэр ИКАО II категориятыгар сертификаты Дьокуускай аэропордугар туттарда. Докумуоҥҥа олоҕуран, сөмөлүөт балаһаҕа олорор көстүүтэ чуолкай буолуоҕа. Тэрилтэ пресс-сулууспатыгар эппиттэринэн, туманнаах күн-дьыл турдаҕына аэропорт сөмөлүөттэри түһэрэр да, көтүтэр да кыахтаныаҕа.
Иһитиннэриигэ чуолкайдаабыттарынан, бу докумуоҥҥа олоҕуран, көтүүгэ уонна олорууга балаһа көстүүтүн устата 350 м уонна туруорута 30 м кыра буолуо суохтаах. Маннык дааннай хойуу тумаҥҥа үлэлиири тупсарыаҕа.
Дьаһалы Ил Дархан Айсен Николаев көҕүлээтэ, ааһан эрэр сылга кэрийэ көрөр локатор тутуллубута. Салгыы куорат өттүттэн сөмөлүөт олоруутугар киириини тупсарыахтара.
