28 Кулун тутар 28.03
  • -13°
  • $ 92,59
  • 100,27

Дьарҕаалаахтар Аҕалар сылларыгар түмүстүлэр

Читайте нас на
Яндекс Новости
ЯДВ

Дьарҕаалаах нэһилиэгэр сыл устата эр киһи, аҕа оруолун үрдэтэр сыаллаах үгүс тэрээһиннэр ыытылыннылар. Ааспыт нэдиэлэҕэ күүстээх аҥардарга «Байанай шоу 2019» күрэх буолан ааста.


Дьарҕаалаах түөлбэтин салайааччыта, дьокутаат Ольга Никитина, аҕалар сэбиэттэриттэн Николай Иванов, Николай Данилов, физкультура учуутала Станислав Васильев «Байанай-шоу» күрэхтэһиини көҕүлээтилэр. Барыта 4 хамаанда күөн көрүстэ.

Аҕалар мүнүүтэҕэ сүүрдүлэр, сыал да ыттылар, булт тэрилин билиигэ холоннулар, ханаат тартылар. Өрө көтөҕүллүүлээх, көрдөөх күрэх буолла. Көрөөччүлэр «ыалдьан» ыһыылара-хаһыылара күрэх тыҥааһынын күүркэттэ. Түмүккэ «Доҕордоһуу кыайда».

Онон, өрөбүл күнү кытыы нэһилиэк олохтоохторо олус сэргэхтик, сибиэһэй салгынынан дуоһуйа тыына сынньалаҥнык атаардылар. Ольга Дмитриевна кыттааччыларга, көрөөччүлэргэ махтанан туран инникитин да маннык түмсүүлээх, сомоҕолоох, көхтөөх буоларга ыҥырда.

Ааптар: Марта Горохова, Эбээн-Бытантай улууһа, «Бытантай уоттара» хаһыат

Следите за самым важным и интересным в Telegram-канале и WhatsApp-группе ЯСИА