«Бүлүү» федеральнай трассаҕа Бүлүү уонна Үөһээ Бүлүү улуустара кыраныыссалаһар сирдэринэн Чыбыыда үрэх буолар.
Чыбыыданы туоруур муоста тутулла илигинэ, саас уонна күһүн айанньыттарга суол кыһалҕалара кыһарыйаллара.
Санатан эттэххэ, муоста 2014 сыл сэтинньи 7 күнүгэр үөрүүлээхтик арыллыбыта. Уһуна 183,4 миэтэрэ.
Бэҕэһээ дьон Чыбыыда мууһа хамсаан, устан саҕалаабытын хаартыскаҕа түһэрэн, видеоҕа устан көрдөрдө.
«Чыбыыдабыт, эбэбит мууһа хамсаабытын истэн, тута көрө кэллибит. Наһаа кэрэ көстүү», — диэн кэпсээтэ Мария Иванова.
