Чурапчы улууһугар кэлимник сайыннарыы бырагырааматынан сайдыы киинин уонна оскуола туталлар. Тутуу үлэтин хаамыытын өрөспүүүлүкэ премьерэ Андрей Тарасенко улууска дьыалабыай сырыы чэрчитинэн билистэ.
Хадаар нэһилиэгэр быйыл физкультурнай- чэбдигирдэр дьаһаллары, сынньалаҥнары, маастар-кылаастары, методическай көмөлөрү ыытарга былаанныыллар. Эбийиэк тутуута 47% буолар. Үлэһиттэр металлоконструкция, монолитнай каркас монтажтарын уонна ис инженернэй ситимнэри туруорууну түмүктээтилэр. Билигин таһынааҕы истиэнэни уурууга үлэ барар.
Мындаҕаайы нэһилиэгэр эргэ мас оскуола оннугар 120 миэстэлээх саҥа эбийиэк үлэҕэ киириэҕэ. Билигин оҕолор икки сиринэн үөрэнэллэр. Үлэни 2023 сылга түмүктүүрү былаанныыллар. «Урут сыбаайа бөҕөргөтүүтүн бырайыагар сөбүлэҥ биэрбэккэлэр кыра мэһэйдэр бааллара. Билигин бырайыак ылылынна, үлэһиттэр графигы ситэ сатыыллар», – диэн бэдэрээтчит бэрэстэбиитэлэ иһитиннэрдэ.
