27 Ыам ыйа 27.05
  • -7°
  • $ 104,68
  • 115,6

Быыһыыр сулууспа үлэһиттэрэ Томпоҕо сүппүт оҕону көрдүү көттүлэр

17:01, 26 июля 2021
Текст:

Томпо улууһугар сүппүт оҕону көрдүү бүгүн күнүс 12 чааска Саха сиринээҕи быыһыыр сулууспа 9 киһилээх бөлөҕө бөртөлүөтүнэн көттө. Бу туһунан СИА быыһыыр сулууспа пресс-сулууспатыгар сигэнэн суруйар.


Томпо улууһугар 2007 сыллаах уол оҕо сүппүтүн туһунан иһитиннэрии Быыһыыр сулууспаҕа от ыйын 25 күнүгэр киирбит. Оҕо Хандыгаттан 170 км тэйиччи сытар бултуур сиртэн сүппүт. Барыллаан иһитиннэрииннэн оҕо 9-12 км тэйиччи сытар аттынааҕы сиргэ барбыт курдук.

Билигин миэстэтигэр полиция үлэһиттэрэ, аймахтар, ыстаада үлэһиттэрэ көрдөөһүҥҥэ үлэлэһэллэр. Үрэхтэр, үрүйэлэр уулара ардах кэннэ хааларыттан тахсан, көрдүүр үлэни уустугурдаллар.

Быыһыыр сулууспа суһал бөлөҕөр тоҕус үлэһит киирдэ. Олор истэригэр 2 кылаастаах быыһааччы Валерий Андросов, ИДьМ ыттаах үлэһитэ бааллар.

Следите за самым важным и интересным в Telegram-канале и WhatsApp-группе ЯСИА
0
0