18 От ыйа 18.07
  • 18°
  • $ 88,09
  • 96,3

«Былатыан Ойуунускай» аатынан литэрэтиирэ музейа өрөмүөн кэнниттэн аһылынна

16:31, 15 ноября 2016
Текст:
Читайте нас на
Яндекс Новости
ЯДВ

Сэтинньи 11 күнүгэр Дьокуускайга, саҥа өрөмүөннэнэн бүппүт «Былатыан Ойуунускай» аатынан литэрэтиирэ музейын үөрүүлээхтик аһыы тэрээһинигэр элбэх киһи муһунна.


Музей үлэһиттэр эыҥырыылаах ыалдьыттарыгар саҥа балаҕаны, Былатыан Ойуунускай бэйэтэ олорбут дьиэтэ хаттаан чөлүгэр түһэриллэн тутуллубутун көрдөрдүлэр уонна таһырдьа алгыс сиэрин-туомун тутуһан алҕаатылар.

Музей дириэктэрэ, саха норуодунай суруйааччыта Николай Лугинов үөрүүнү үллэстэ кэлбит дьоҥҥо махтанарын биллэрдэ. Кини өрөмүөн Ил Дархан Егор Борисов быһаччы дьаһалынан былырыын саҕаланан баран, Былатыан Ойуунускай төрөөбүт күнүгэр сүрүн үлэтэ бүтэн үөрдүбүтүн бэлиэтээтэ.

Музей кэлэктиибин Саха сирин вице-премьера Алексей Дьячковскай уонна СӨ Култуураҕа уонна духуобунаска миниистирэ Владимир Тихонов истиҥник эҕэрдэлээтилэр. Кинилэр музей айар кэлэктиибин үчүгэй үлэтин иһин махтаннылар уонна Саха сиригэр маннык үтүө музей баара олус наадалаахтары нбэлиэтээн эттилэр.

Саҥардыллан тупсарыллыбыт музей иккис этээһигэр Россияҕа киэҥник биллэр «Молодая гвардия» кинигэ кыһата бэчээттээн таһаарбыт Олег Сидоров «Платон Ойунский» диэн кинигэтин сүрэхтэниитэ буолла. Ону саха норуодунай суруйааччыта Наталья Харлампьева иилээн-саҕалаан ыытта. Кини саҥа кинигэ ааптарын аатырбыт «Жизнь замечательных людей» сиэрийэҕэ тахсыбытыттан үөрэн эҕэрдэлээтэ уонна ыҥырыылаах ыалдьыттарга тыл биэртэлээтэ. «Биһиги инникитин даҕаны саха бастыҥ дьонун туһунан бэчээттииргэ бэлэммит«, — диэтэ «Молодая гвардия» кинигэ кыһатын дириэктэрин солбуйааччы Елена Камедчикова.

Следите за самым важным и интересным в Telegram-канале и WhatsApp-группе ЯСИА