Саха сирин баһылыга Айсен Николаев үүтү бэлэмниир былааны намтаппаты сорудахтаата. Быйыл 63 тыһыынчаттан итэҕэһэ суох туонна үүт бэлэмнэниэхтээх, суруйда ЯСИА.
«Биһиги бу сылга сорук туруордубут: былаан 63 тыһыынча туоннаттан итэҕэһэ суох буолуохтаах. 65 тыһыынча туонна буолара буоллар ордук үчүгэй. Онон үүт былаанын намтатыы туһунан этии суох. Баҕар, бу тохсунньуга-олунньуга ылыныллыбыт быһаарыыларга олоҕурбута буолуо, онно тыа хаһаайыстыбатын министиэристибэтин өттүттэн тугу эмэ уларытарга чопчу өйдөспөт буолуу, оннооҕор баҕарбат буолуу баар буола сылдьыбыта. Ол эрээри өссө төгүл тоһоҕолоон этэбин: былааннарбытын намтатар бырааппыт суох, тыа хаһаайыстыбатын үлэһиттэрин өйүөхтээхпит. Бигэргэтиллибит 65 тыһыынча туонналаах былаан туолуохтаах, оройуоннар былааннара итинтэн тахсыахтаах», — диэн Николаев бэлиэтээтэ.
Өрөспүүбүлүкэ баһылыга иһитиннэрбитинэн, ситэтэ суох үбүлээһин кыһалҕата баар, ордук кэтэх хаһаайыстыбаларга.
«Үүтү туттарыы оннугар кэтэх хаһаайыстыбалаах киһи ыанар ынаҕар төлөбүр ылыан сөп — биир төбөтүгэр 36 тыһыынча кэриҥэ солкуобай. Бу түбэлтэҕэ үүтү туттарбат бырааптаах. Бюджеты көннөрүүгэ бу үп көрүллүөхтээх, тыа хаһаайыстыбатыгар үбүлээһини кыччатыы туһунан этиллибит», — диэн регион баһылыга эбэн эттэ.
