22 От ыйа 22.07
  • 27°
  • $ 88,02
  • 96,04

Бэйэ бородууксуйатын батарыы судургутуйуо

18:01, 16 июля 2021
Текст:
Читайте нас на
Яндекс Новости
ЯДВ

РФ бырабыыталыстыбата Госдумаҕа пиэрмэрдэр бэйэлэрэ оҥорон таһаарбыт бородууксуйаларын бас билэр сирдэригэр атыылыылларын көҥүллүүр сокуон барылын киллэрдэ. Бу туһунан СИА эрэгийиэни салайар кииҥҥэ сигэнэн суруйар.


Сокуон барыла бэйэ оҥорон таһаарыы бородууксуйатын дьаарбаҥкаттан, ырыынактан, маҕаһыынтан ураты бэйэ бас билэр сиригэр атыылыахха сөбүн кэрэһэлиир. Маныаха анал тутуу ирдэммэт. Сарайдаах остуол, дьоҕус киоска, дьиэҕэ самалык тутуу да буолуон сөп.

Билиҥҥитэ итинник көҥүл пиэрмэрдэргэ суох.

«Сокуон олоххо киирэр түгэнигэр пиэрмэрдэр атыылыыр сир куортамыттан, тиксиһиннэрээччи булартан босхолонон, харчы өттүнэн барыыһырыа этилэр. Оттон атыылаһааччы оҥорон таһаарааччыттан быһаччы үрдүк хаачыстыбалаах бородууксуйаны ылыа этэ», — диир сүөһү иитиитин Департаменын салайааччытын солбуйааччы Айал Тимофеев.

Следите за самым важным и интересным в Telegram-канале и WhatsApp-группе ЯСИА