25 От ыйа 25.07
  • 24°
  • $ 86,55
  • 94,38

Барыллаан куоластааһыҥҥа дьон кыттыытыгар Саха сирэ регионнар ортолоругар бастакы миэстэҕэ таҕыста

14:28, 29 мая 2023
Текст:
Фото: Мария Архипова, ЯСИА
Читайте нас на
Яндекс Новости
ЯДВ

Барыллаан куоластааһыҥҥа дьон кыттыытынан Саха сирэ Россия регионнарыгар бастаата. Бэйэлэрин куоластарын 13,98% быыбардааччы биэрдэ. «Биир ньыгыл Россия» баартыйа Саха сиринээҕи салаатын салайааччыта Руслан Платонов эппитинэн, бу Россияҕа саамай үрдүк көрдөрүү.

«Барыллаан куоластааһын ыытыыта аһаҕас. Саха сирэ куоластааһыҥҥа кыттыбыт быыбардааччытын ахсаанынан бастаата. Өрөспүүбүлүкэҕэ 90034 тыһ киһи куоластаата, ол эбэтэр регион куоластыыр бырааптаах хас сэттис киһитэ бэйэтин быыбарын оҥордо.

Көхтөөх дьоҥҥо махтанабын, региоҥҥа ыытыллар политическай тэрээһинэргэ кыттаргытыгар», – диэтэ Руслан Платонов.

Региоҥҥа аан бастакытын барыллаан куоластааһын толору электроннай киэбинэн ыытылынна. Саамай элбэх Дьокуускай куоракка куоластаата: 24826 киһи бэйэтин санаатын PG.ER.RU сайт нөҥүө биллэрдэ. Эбээн Бытантай улууһугар регистрацияны ааспыт дьон бары кэриэтэ куоластарын биллэрдилэр, 93%. Өлөөҥҥө — 90,3%.

Түмүгү PG.ER.RU сайтка киирэн билсиэххитин сөп.

Следите за самым важным и интересным в Telegram-канале и WhatsApp-группе ЯСИА