25 Тохсунньу 25.01
  • -48°
  • $ 73,82
  • 83,32

Балаҕан ыйын 27 күнэ. Саха Өрөспүүбүлүкэтин судаарыстыбаннаһа - Бикипиэдьийэ

09:01, 27 сентября 2021
Текст:

Бикипиэдьийэ бэлиэтииринэн, балаҕан ыйын 27 күнүгэр Flag of Sakha.svg Саха Өрөспүүбүлүкэтин  судаарыстыбаннаһын күнэ. Бу күн 2009 сылга дылы суверенитет күнэ диэн ааттааҕа. Аан дойдутааҕы туризм күнэ. Flag of Russia.svg Арассыыйаҕа оскуола иннинэ үөрэтии үлэһиттэрин күнэ. Flag of Turkmenistan.svg Түркменистаан — тутулуга суох буолуу күнэ, Flag of Mongolia.svg Монголия — телевидение күнэ.

Түбэлтэлэр

  • 1669 — Крит арыытыгар Кандия диэн Венеция кириэппэһэ 21 сыллаах осада кэнниттэн осмааннарга бэриммит. Бу осада аан дойду устуоруйатыгар саамай уһун ситиһиилээх осада буолар. Осмааннар кириэппэһи сир өттүттэн төгүрүктээбиттэрин да иһин, Венеция хараабыллара Кандияны байҕалынан көҥүллүк хааччыйа сылдьыбыттар.
  • 1863 — Санкт-Петербургка Софья Люгебиль Арассыыйаҕа бастакы уһуйааны тэрийбит.
  • 1900 — Чурапчы улууһун Арыылаах орто оскуолата аһыллыбыт. Манна бастакы үөрэнээччилэр истэригэр Иван Винокуров — кэлин Саха АССР Совнаркомун бэрэстээтэлэ, Алексей Бояров — кэлин үөрэх уонна доруобуйа харыстабылын наркома, биллиилээх тылбаасчыт бааллар эбит.
  • 1925 — Алдан 1 № орто оскуолата аһыллыбыт.
  • 1940 — Берлиҥҥэ ГерманияИталия уонна Япония Үс өрүттээх пакт түһэрсибиттэр.
  • 1990 — Саха Өрөспүүбүлүкэтин Сүбэринитиэтин Декларацията ылыныллыбыт. Декларация сүрүн ис хоһооно — өрөспүүбүлүкэ иһигэр кини бэйэтин сокуоннара баһыйалларын бигэргэтии. Ол саҕана олох-дьаһах улаханнык айгыраабыт ыарахан кэмигэр экэниэмикэни быыһыыр, дьон олоҕо бүтэһиктээхтик алдьанарыттан көмүскэнэр туһугар ылыллыбыт дьаһал диэххэ сөп. Ол эрэн декларация суолтата киэҥ уонна дириҥ, экэниэмикэ айгырааһыныттан быыһанар эрэ суолтатынан муҥурдаммат.
  • 1991 — XXII ВЛКСМ суһал сийиэһигэр хомсомуолу эһэргэ диэн быһаарыы ылыллыбыт. Итиэннэ пионерия тэрилтэтэ эмиэ эстибитэ.
  • 2011 — ХИФУ бастакы ректорыгар бөлүһүөк учуонай Авксентий Мординовка мэҥэ аһыллыыта буолбут.
  • 2018 — Айсен Николаев Саха Өрөспүүбүлүкэтин Ил Дарханын солотугар киирбит.

Төрөөбүттэр

  • 1907 — Никита Канаев (23.10.1987 өлб.) — филология билимин кандидата, Аҕа дойду Улуу сэриитин кыттыылааҕа.
  • 1929 — Никита Соломонов — өр сылларга Биология институтугар үлэлээбит, институт дириэктэригэр тиийэ улааппыт саха учуонайа, РСФСР уонна Саха АССР билимин үтүөлээх диэйэтэлэ, СӨ НА академига, РАН чилиэн-корреспондена, биология билимин доктора, профессор. Дьокуускай куоратын уонна Хаҥалас улууһун Ытык олохтооҕо.
0
0
Комментарии
  • Халан:

    Бүгүҥҥү күнү сорох бырааһынньык диириттэн туттунар, бээ, туох этэй диэн кэтэҕин тарбанар, аатын булкуйар, оттон сорох далааһыннаахтык бэлиэтиир, ол холобурун быйыл үөһээ бүлүүлэр бассаап көмөтүнэн репортажтаан ырылыччы көрдөрдүлэр.
    Ол эрээри, сыһыаныттан тутулуга суох бу күн — Саха сирин устуоруйатыгар бэлиэ күн! Ону туох да суурайбат, ким да мэлдьэспэт.

Комментарии закрыты.

25 января 25.01
  • -48°
  • $ 73,82
  • 83,32