21 От ыйа 21.07
  • 22°
  • $ 88,02
  • 96,04

«Бакалдын-2024» эбээннэр үгэскэ кубулуйбут бырааһынньыктара саҕаланна

Хаартыска: Саха сирэ саайт
Читайте нас на
Яндекс Новости
ЯДВ
Быйыл «Бакалдын-2024» бырааһынньыга дойдуга Дьиэ кэргэн уонна Саха сиригэр Оҕо саас сылыгар ананар. Тэрээһин  Дьокуускайга Кэнкэмэ сиригэр бэс ыйын 7-9 күннэригэр ыытыллар.

Бырааһынньык чэрчитинэн «Аятку урикит» көрүү-куонкурус, «Алапчу девгэ» национальнай аска-үөлгэ күрэс, «Долборды онёвур» национальнай таҥаска куонкурус,  «Дюган — мутӈи эӈэсит» дьиэ кэргэн күрэҕэ ыытыллыахтара. Оҕолорго ураты «Урикитту эвидерэп» бырагыраама бэлэмнэннэ.

Үгэскэ кубулуйбут  Хоту дойду норуоттарын национальнай успуорка оонньуулара буолуохтара: улахан дьон уонна оҕолор ортолоругар «Мауткат», эр дьоҥҥо уонна дьахталларга мас тардыһыыта, улахан дьоҥҥо Нирукат, наарта үрдүнэн ыстаныы, Ӈорчан — икки ыйааһыҥҥа абсолютнай тустуу күрэхтэһиилэрэ ыытыллыаҕа. Ону тэҥэ Иван Николаевич Кульбертинов аатынан пневматическай саанан ытыыга күрэхтэһиэхтэрэ.

Кыргыттарга «Аякчана-2024» , уолаттар ортолоругар «Бэркэ Бэе-2024»  ыччат куонкурустара уонна «Эвэды икэлэн» эбэҥки  хордарын күрэһэ туспа болҕомтону ылыахтара, суруйда Саха сирэ саайт.

Следите за самым важным и интересным в Telegram-канале и WhatsApp-группе ЯСИА