28 Тохсунньу 28.01
  • -48°
  • $ 73,82
  • 83,32

Бүлүү улууһун кылаабынай бырааһынан Егор Григорьев ананна

10:28, 22 июля 2016
Текст:

СӨ доруобуйа харыстабылын миниистирэ Михаил Охлопков Бүлүүтээҕи киин балыыһа салалтатын, үлэһиттэрин кытта көрсүһүүгэ саҥа кылаабынай бырааһы билиһиннэрдэ. Бу күҥҥэ диэри эппиэтинэстээх дуоһунаска ким ананара биллибэккэ сылдьыбыта.


Доруобуйа харыстабылын миниистирэ Михаил Охлопков от ыйын 19 күнүгэр Бүлүү куоратыгар: поликлиникаҕа, хирургияҕа, оҕо отделениетыгар уо.д.а. объектарга сылдьан үлэни-хамнаһы билистэ, балыыһа салалтатын, үлэһиттэри кытта көрсөн кэпсэттэ.

IMG_6424

Бүлүү улууһун киин балыыһатын кылаабынай бырааһынан Егор Анатольевич Григорьевы анааһын туһунан миниистир иһитиннэрдэ. Саҥа кылаабынай быраас Читатааҕы медицинскэй академия выпускнига, Бүлүүгэ наркологынан үлэлээбитэ, балыыһа профкомун салайбыта, улууска биллэр уопсастыбанньык. Онон олохтоох быраас улуус балыыһатын салайан эрэрин бэлиэтиэххэ сөп.

«Кылаабынай быраас дуоһунаһыгар бэриниилээхтик ылсаргар, улуус дьаһалтатын кытта бииргэ үлэлииргэр эрэллээхпин. Эйигин улууска доруобуйа харыстабылын ситимин таһымын өрө таһаарарга элбэх үлэ күүтэр. Болҕомто ыарыһахха ууруллуохтаах, мединститукка анал миэстэлэргэ улуустан дуогабарынан олохтоох эдэр дьону ыытан үөрэттэрии быраастар тиийбэттэрин быһаарыахтаах», — диэтэ миниистир.

Салгыы Михаил Охлопков быраастар икки-үс солбуһукка үлэлииллэрин тохтотору, профилактика кабинетын үчүгэйдик үлэлэтэргэ уо.д.а. соруктары туруорда, инники өттүгэр хамсааһын тахсарыгар сорук туруорда.

Бу иннинэ Бүлүү улууһун кылаабынай бырааһынан үлэлээбит М.М. Фокинов Дьокуускай куоракка көһөрүллэрин миниистир иһитиннэрдэ.

0
0
28 января 28.01
  • -48°
  • $ 73,82
  • 83,32