Бүлүү куоратыгар балыыһа комплексын иккис уочаратын – үс мэндиэмэннээх таас дьиэ холлоҕоһун тутуу тэтимнээхтик ыытыллар. Терапия, акушер-гинекология, оҕону эмтиир, киһи доруобуйатын чөлүгэр түһэрэр, сүрэх-тымыр, диагностика отделениелара үлэлиэхтээх дьиэ 4 тыһыынча кв.м. иэннээх бэрт улахан эбийиэк буолуоҕа.
Ил Дархан Айсен Николаев Бүлүү аныгы тутуулаах, саҥа оборудованиенан хааччыллыбыт балыыһата хас да улууһу мэдиссиинэ билиҥҥи өҥөтүнэн хааччыйыахтааҕын бэлиэтээбитэ.
Былаан быһыытынан, доруобуйа харыстабылын саҥа эбийиэгэ эһиил Саҥа дьыл иннинэ үлэҕэ киириэхтээх, суруйда @oloxsuola
