18 От ыйа 18.07
  • 18°
  • $ 88,09
  • 96,3

Бүгүн саха тустууктара Казахстаҥҥа аан дойду чемпионатын көбүөрүгэр тахсыахтара

12:23, 19 сентября 2019
Текст:
Читайте нас на
Яндекс Новости
ЯДВ

Көҥүл тустууга аан дойду чемпионатыгар сэрэбиэй быраҕыстылар. Онон саха тустууктара кимниин көбүөргэ тахсалларын быһаарыстылар. Бүгүн Казахстаҥҥа аан дойдуга бастыыр иһин олимпийскай категорияҕа Владислав Андреев, Владимир Егоров уонна Ньургун Скрябин киирсиэхтэрэ.


57 киилэҕэ дылы Саха сиринээҕи тустуу оскуолатын икки иитиллээччитэ көбүөргэ тахсыа: Владислав Андреев (Беларусь) уонна Владимир Егоров (Македония). Саха македонеһын кытта американец Дейтон Фикс күөн көрсүөхтэрэ. Манна биһиги биир дойдулаахпыт ситиһиилэннэҕинэ, аны кинини кытта аан дойду чемпиона, Японияттан Юки Такахаши киирсиэ. Владислав Андреев Азия билиҥҥи чемпиона Ретр Атлины кытта тустуохтара. Кыра ыйааһыҥҥа барыта 35 бөҕөс сайаапкаласпыт.

65 кг диэри Ньургун Скрябин (Беларусь) утары Роман Дмитриев аатынан турнир кыайыылааҕа, Монголияттан Тумур Очир Тулга тахсыа. Бу категорияҕа мэтээл иһин 44 спортсмен күүһүн тургутуһуо.

Чемпионат бастакы киирсиилэрэ бүгүн балаҕан ыйын 19 күнүгэр 14.00 олохтоох бириэмэҕэ саҕаланыа.

57 уонна 65 киилэлэргэ диэри ыйааһыннар категорияларыгар Олимпийскай оонньууларга путевка туруоруллар, алта бастыҥ тустуук манна тиксиэ.

Следите за самым важным и интересным в Telegram-канале и WhatsApp-группе ЯСИА