19 Тохсунньу 19.01
  • -48°
  • $ 73,82
  • 83,32

Азия оҕолоро: Дуобакка күрэхтэһии икки туура хаалла

16:24, 13 июля 2016

«Азия оҕолоро» Оонньуу дуобакка күрэхтэһиитэ салҕанар. Саха сирин хамаандата бэлэмнээҕин оҕолор ситиһиилээхтик оонньууллара көрдөрөр.


9a2acf45-6436-4b4d-beba-b33b80467e53

Саха сирин дуобакка сүүмэрдэммит хамаандатын ыстаарсай тренерэ Иван Павлов бэлиэтииринэн, 64 харахтаах нуучча дуобатыгар Челябинскайтан кытта сылдьар Матвей Недбайло эрэллээхтик бастаан иһэр. Оттон Саха сирин сүүмэрдэммит хамаандатын уолаттара Валентин Орлосов уонна Архан Титов 3-4 миэстэлэргэ тураллар. 64 харахтаах дуобакка кыргыттартан Тунаара Федорова 2-с миэстэҕэ тардыалаһар.

100 харахтаах дуобакка туур бүттэ. Манна кыргыттарга Лена Кычкина Башкирияттан сылдьар күрэстэһээчи Кристина Осипованы кытта тэҥнэстэ. Биэс туур кэнниттэн Саха сирин сүүмэрдэммит хамаандатын күрэхтэһээччитэ Ксения Нахова уонна Кристина Осипова очколара тэҥнэстэ. Билигин кыргыттар 1-кы уонна 2-с миэстэлэри былдьаһарга бэлэмнэнэллэр.

81b542bd-22a7-4e56-91ef-bd67cfda2a29

100 харахтаах күрэхтэһиигэ Валентин Иванов Башкирия күрэстэһээччитин Марсель Шарафутдиновы кытта очколара эмиэ тэҥнэстэ.

Саха сирин сүүмэрдэммит хамаандатын дуобакка «сулуһа» Ксения Нахованы кытта көрсөн кэпсэтиибэр, сэһэргэһээччим санатын маннык үллэһиннэ:

Мин 16 саастаахпын. Чурапчы интернат-оскуолатыгар үөрэнэбин. Саамай күүстээх күрэстэһээччим Башкирияттан сылдьар дуобаччыт Кристина Осипова. Кинилиин киирсиим экзаменнааҕар тургутуулаах уонна долгутуулаах буолла. Күрэхтэһии иннинэ «Азия оҕолоро» оонньууга кыттыахтаах оҕолор бэйэ-бэйэбитин кытта дуобакка күрэхтэһэн эрчиллэр этибит. Өрөбүл күн эрэ сынньанааччыбыт. Уонна наар эрчиллии. Кулун тутарга Ижевскайга уонна бэс ыйыгар Сочига дуобакка ыытыллыбыт күрэхтэһиилэргэ кыттыым, таһыммын үрдэтэргэ өйөбүл буолбуттара. Уопсайынан, маннык улахан таһымнаах күрэхтэһиилэр спортсменнарга олус наадалар.

Сарсын уонна өйүүн дуобаччыттары саамай тыҥааһыннаах киирсиилэр күүтэллэр.

0
0
19 января 19.01
  • -48°
  • $ 73,82
  • 83,32