23 От ыйа 23.07
  • 26°
  • $ 87,78
  • 95,76

Айсен Николаев Дьокуускай дьаһалтатыгар тулаайах устудьуонкаҕа кыбартыыра биэрэллэригэр соруйда

Читайте нас на
Яндекс Новости
ЯДВ

Ил Дархан Айсен Николаев сэрэдэҕэ «Биир ньыгыл Россия» баартыйа уопсастыбаннай приемнайыгар биирдиилээн ыйытыылаах дьону кытта көрүстэ. Ол түмүгэр туһааннаах тэрилтэлэргэ сорудахтары биэрдэ.

Регион баһылыгар Чурапчытааҕы физическай культура уонна спорт иккис кууруһун устудьуонката олорор дьиэтин боппуруоһун быһаарыыга кэпсэттэ.

Кыыс — тулаайах, билигин уопсайга олорор, ити эрээри Дьокуускайга олохсуйар баҕалаах.

Куорат дьаһалтата эрдэ кинини субвенция суотугар дьиэни ылааччылар испииһэктэригэр киллэрбит, ити эрээри күн бүгүнүгэр диэри олорор дьиэ бэриллэ илик.

Регион баһылыга устудьуонкаҕа кыбартыыраны бу сылга биэрэллэригэр сорудахтаата. «Квота баар, үп көрүллэн турар. Кыбартыыра быйыл эйиэхэ бэриллиэҕэ», – диэтэ Айсен Николаев.

Следите за самым важным и интересным в Telegram-канале и WhatsApp-группе ЯСИА