Абитуриеннар саахымакка, дуобакка уонна Го оонньууларыгар ситиһиилэрин Хотугулуу-Илиҥҥи федеральнай университет 2021-2022 с.с. үөрэх дьылыгар туттарсаларыгар туһаныахтара.
«Саахымакка, дуобакка уонна Го оонньуутугар кыайыылаахтарга эбии аҕыс балл көрүллүө, призердарга – биэс, түмүктүүр түһүмэх кыттыылаахтарыгар – икки», — диэн университет иһитиннэриитин ТАСС суруйар.
«Дуобат оскуола үөрэнээччилэрин ыккардыгар киэҥник тарҕаммыт оонньуу. Биһиги 14 гроссмейстердаахпыт. Го оонньуулара кэлин эмиэ сайдар. Саха сиригэр федерация тэриллибитэ. Спорт бу көрүҥүн биһиги университеппыт устудьуоннара үөрэтэллэр», — диир ХИФУ спорт интеллектуальнай көрүҥнэрин уонна оонньууларын киинин администратора Николай Гермогенов.
