«Азия оҕолоро»норуоттар икки ардыларынааҕы спортивнай оонньуулар волонтерскай корпуһугар приемнай хампаанньа түмүктэннэ. Балтараа тыһыынчаттан тахса киһи волонтердуур баҕа санаатын эттэ, ол иһигэр тас дойдулартан сайаапкалар эмиэ бааллар, диэн СИА иһитиннэрэр.
Регистрация алтынньы 4 күнүгэр саҕаламмыта. Сайаапкалары Арассыыйа 41 регионуттан биэрдилэр, ол иһигэр Донбасстан, ону таһынан тас дойдулартан — Оман уонна Иран олохтоохторо сайаапкаларын биэрбиттэр. Ол туһунан оонньуу тэрийэр кэмитиэтигэр иһитиннэрдилэр. Волонтердуон баҕалаах дьон саастара 16- тан 78- гар диэри.
Билигин сайаапка биэрбит дьону кытта сэһэргэһии салҕанар. Талыллыбыт дьон испииһэгин Аан дойдутааҕы доброволец күнүгэр ахсынньы 5-гэр биллэриэхтэрэ.
Санатан эттэххэ, II кыһыҥҥы»Азия оҕолоро» норуоттар икки ардыларынааҕы спортивнай оонньуулар эһиил олунньу 23 күнүттэн кулун тутар 5 күнүгэр диэри буолуохтара. Күрэхтэһии Кемеровоҕа, Новокознецкайга, Междуреченскайга, Таштагольскай оройуонугар ыытыллыаҕа.
