21 От ыйа 21.07
  • 16°
  • $ 88,02
  • 96,04

2022 сыллааҕы Сурдлимпийскай оонньууларга кыттыыга сахалар Россия хамаандатыгар киирдилэр

13:01, 02 июня 2021
Текст:
Читайте нас на
Яндекс Новости
ЯДВ

Саха сирин спортсменнара Россия чемпионаттарыттан мэтээллээх кэллилэр. Бастыҥ көрдөрүүнү Евдокия Каторгина уонна Мария Егорова ситистилэр. Кинилэр буулдьанан ытыыга лидер буолалларын дакаастаатылар уонна 2022 сылга Сурдлимпийскай оонньууларга кыттар быраабы ыллылар. Спорт миниистирин солбуйааччыта Александр Бугаев наҕараадалары туттарда, суруйар СИА.


Кулгаахтарынан истибэт спортсменнар буулдьанан ытыыга киирсиилэрэ Казаньҥа буолла. Россия чемпионатыгар Евдокия Каторгина кыһыл уонна үрүҥ көмүс мэтээллэри иилиннэ, оттон Мария Егорова үрүҥ көмүс призер буолла. Онон Саха сирин икки бэрэстэбиитэлэ Бразилияҕа буолуохтаах Сурдлимпийскай оонньууларга Россия хамаандатыгар киирсэн, кыттыаҕа.

Пауэрлифтиҥҥа Россия чемпионатыгар, эмиэ кулгаахтарынан истибэт, Саха сирин олохтоохторо Игорь Созонов уонна Людмила Пахомова кыайыылаахтарынан буоллулар, Сергей Безносов үрүҥ көмүс мэтээли ылла, Айаал Данилов боруонсаны. Күрэхтэһии Брянскайга ыытылынна.

Зеленоградка дзюдоҕа дойду чемпионатыгар (истибэттэр спортара) Валерия Бирило 70 кг диэри үрүҥ көмүс, Григорий Бысыкатов 60 кг диэри үһүс миэстэ буолла.

Россия спордун үтүөлээх маастара Василий Стрекаловскай көҥүл тустууга (истибэттэр спортара) Россия чемпионатыгар 74 кг диэри үрүҥ көмүһү ылла.  Сурдлимпийскай оонньууларга барар шанстаах. Сүүмэрдиир күрэх эһиил буолар.

Следите за самым важным и интересным в Telegram-канале и WhatsApp-группе ЯСИА