13 От ыйа 13.07
  • 18°
  • $ 87,74
  • 95,76

2021 сылга оскуоланы бүтэрээччилэр туттарар эксээмэннэрэ судургутуйда

16:01, 01 марта 2021
Текст:
Читайте нас на
Яндекс Новости
ЯДВ

2021 сылга коронавирус тарҕаныытын сэрэтэр уонна аччатар туһуттан Судаарыстыбаннай түмүктүүр аттестация ыытыллар быраабылата уларыйда. Бу туһунан РФ миниистирдэрин кэбиниэтин пресс-сулууспата иһитиннэрэр.


Тустаах уураахха бырабыыталыстыба бэрэссэдээтэлэ Михаил Мишустин илии баттаата.
Ол курдук, тохсус кылаас үөрэнээччилэрэ икки булгуччулаах эрэ бирэдимиэттэри — нуучча тылын уонна математиканы эрэ туттарыахтара, эбии талан туттарыы диэн суох буолуо.

Маны таһынан, үрдүк үөрэх кыһатыгар туттарсары былааннаабат 11-с кылааһы бүтэрээччилэр нуучча тылыгар уонна математикаҕа биир кэлим эксээмэн (ЕГЭ) оннугар, судаарыстыбаннай түмүктүүр эксээмэни (ГВЭ) туттарыахтара. Ол түмүгэр, орто уопсай үөрэхтээһин туһунан аттестат ылыахтара.

Үрдүк үөрэххэ туттарсар выпускниктар туһааннаах бирэдимиэттэргэ БКЭ туттараллар.
Онуоха аттестат ыларга, нуучча тылын БКЭ-нин түмүгэ эрэ наада.
Оскуоланы урукку сылларга бүтэрбит, үрдүк үөрэххэ туттарсары былаанныыр выпускниктарга уонна эрдэ туттарыан баҕалаах онус кылаас үөрэнээччилэригэр БКЭ эмиэ тэриллиэҕэ.

11-с кылааһы бүтэрэр, доруобуйаларыгар хааччахтаах оҕолорго эксээмэни туттарыы быраабылата атын. Аттестат ыларга нуучча тылыгар судаарыстыбаннай түмүктүүр, эбэтэр биир кэлим эксээмэни туттарыахтара.

Следите за самым важным и интересным в Telegram-канале и WhatsApp-группе ЯСИА
Тутаах тыллар