Саха Өрөспүүбүлүкэтигэр ыам ыйын 28 күнүн сарсыарда 08:00 чаастааҕы туругунан ойуур баһаардара бэлиэтэммэтилэр.
Баһаар кутталлаах кэмэ саҕаланыаҕыттан өрөспүүбүлүкэ территориятыгар уопсайа 1613,4 гектар иэннээх 45 тыа баһаара бэлиэтэммит. Тэҥнээн көрөр буоллахха, ааспыт сылга бу кэмҥэ 36,6 тыһыынча гектартан тахса иэннээх 98 тыа баһаара турбута. Ону таһынан, 1089,4 гектар иэннээх 41 ландшафтнай баһаара бэлиэтэммитэ. Ааспыт сылга 5542 гектар иэҥҥэ 177 ландшафтнай баһаар тахсыбыт эбит, суруйда Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Өрөспүүбүлүкэ олохтоохторугар тыаҕа уонна айылҕаҕа сылдьарга баһаартан сэрэхтээх буолуу быраабылаларын кытаанахтык тутуһалларыгар санаталлар. Буруо, уот эбэтэр баһаар саҕаланан эрэр бэлиэтин көрдөххө, тутатына бу төлөпүөннэринэн биллэриэхтээххит: 8-800-100-94-00, 8 (4112) 44-74-76, 8 (4112) 44-77-28.
