Саха Өрөспүүбүлүкэтин Ил Дархана Айсен Сергеевич Николаев бэс ыйын 25 күнүттэн РФ Конституциятыгар көннөрүүлэри киллэриигэ норуот бүттүүн куоластааһына саҕаламмытынан туһаайыы этии оҥордо. «Ханнык баҕарар сокуоннай сааһын туолбут киһи дойдутун олоҕор быһаччы дьайар кыахтаах, быыбарга уонна бүттүүн куоластааһыҥҥа кыттан«, — диэтэ кини.
«Саха сирин олохтоохторо куруутун даҕаны уһулуччу суолталаах уларыйыылары өйбүтүнэн-сүрэхпитинэн ылынан, олус көтөөхтүк уонна тэрээһиннээхтик куоластыыр үгэстээхпит. Онон бу күннэргэ эмиэ Россия Конституциятыгар киирэр уларытыылары сөпкө өйдөөн уонна өйөөн туран куоласкытын биэриэххит диэн тус бэйэм улахан эрэллээхпин«, — диэтэ Ил Дархан Саха сирин олохтоохторугар туһаайан.
