2026 сылга Олоҥхо ыһыаҕын ыытар сиргэ — Кэбээйи улууһун Кэбээйи сэлиэнньэтигэр от ыйын 4-5 күннэригэр мобильнай сибээһи күүһүрдүөхтэрэ уонна Wi-Fi хас да туочукатын үлэлэтиэхтэрэ. Онно эбии көһөрүллэ сылдьар мобильнай ыстаансыйаны уонна сибээс лииньийэтин туруоруохтара. Итиэннэ Дьокуускай – Кэбээйи маршрутунан сибээс ханаалларын тэрийиэхтэрэ.
Кэбээйи сэлиэнньэтин Уһун Хонуутугар «ВымпелКом» хампаанньаттан көһөрүллэ сылдьар мобильнай базовай ыстаансыйаны туруоруохтара уонна 2,5 км кэриҥэ усталаах сибээс лииньийэтин тардыахтара. Маны таһынан, «АрктикТелеком» Дьокуускай – Кэбээйи хайысханан сибээс ханаалларын тэрийэн, бырааһынньык ыытыллар былаһааккатын инфраструктуратын холбуоҕа.
