19 От ыйа 19.07
  • 21°
  • $ 87,88
  • 96,1

Мэҥэ Хаҥаласка ‒ «Сурутуу дэкээдэтэ»

12:21, 20 апреля 2016
Текст:
Читайте нас на
Яндекс Новости
ЯДВ

Муус устар 18 күнүгэр Майатааҕы почтаҕа үгэскэ кубулуйбут «Сурутуу күнэ» тэрилиннэ. Тэрээһиҥҥэ сурутуу кылаабынай инструктора Варвара Филиппова, сурутуу исписэлииһэ Ньургуйаана Саввина уонна Дьокуускай куораттан «Ситим» медиа-бөлөх үлэһитэ, өрөспүүбүлүкэтээҕи «Утум» уопсастыбаннай түмсүү бэрэссэдээтэлэ Валентина Васильева, ону сэргэ Майа түмсүүлэрин чилиэннэрин сурутууга уопсастыбаннай Сэбиэт сүрүннээччитэ Мария Лукина үлэлээтилэр.


«Ситим» медиа-бөлөх көҕүлээһининэн «Дерево добра» диэн сонун тэрээһининэн аахсыйа тэрилиннэ. Аахсыйа түмүгүнэн сэттэ сэртипикээт туттарылынна. Ол курдук, М.К.Попова аатынан Майатааҕы ускуустуба оскуолатын преподавателэ Антон Борисов «Ситим» иһинэн тахсар хаһыаттары, сурунааллары оскуолаҕа, доҕоругар, сиэнигэр, кэргэнигэр, ускуустуба оскуолатын үлэһитэ Акулина Маркова тыыл бэтэрээнигэр Татьяна Олесоваҕа, Майа олохтооҕо Анна Афанасьева уолугар, РайПО бэтэрээннэрин сэбиэтин бэрэссэдээтэлэ Наталья Баланова 91 саастаах тыыл, үлэ бэтэрээнигэр, улуус, Майа сэлиэнньэтин Бочуоттаах гражданиныгар Екатерина Васильеваҕа сурутуу ыытаннар сэртипикээт хаһаайыннарынан ааттаннылар.

Бу күн бастакы суруттарааччынан Майа олохтооҕо Марфа Алексеева буолла итиэннэ элбэҕи суруйтарбыт бастыҥ ааҕааччы аатын сүктэ. Олохтоохтор сүүйүүлээх латырыайаҕа оонньооннор, сүргэлэрэ көтөҕүллэн бардылар.

Сурутуу күнэ муус устар 19 күнүгэр Нуораҕанаҕа эмиэ тэрээһиннээхтик ыытылынна, аны муус устар 21 күнүгэр балыктаахтарга сурутуу күнэ тэриллиэҕэ.

Тэрийээччилэр муус устар 18 күнүттэн 28 күнүгэр диэри чэпчэтиилээх сурутуу салҕанарын туһунан эттилэр. Улуустааҕы «Эркээйи» хаһыакка сыл иккис аҥарыгар тоҕус киһиэхэ: тыыл, үлэ бэтэрээннэригэр, элбэх оҕолоохторго, инбэлииттэргэ босхо сурутуу ыытылынна.

Следите за самым важным и интересным в Telegram-канале и WhatsApp-группе ЯСИА