20 От ыйа 20.07
  • 19°
  • $ 88,02
  • 96,04

Кыайыы-75. Саха сирин бэтэрээннэригэр төлөбүрдэргэ бюджеттан 130 мөл.солк. көрүлүннэ

17:15, 21 февраля 2020
Текст:
Читайте нас на
Яндекс Новости
ЯДВ

Кыайыы 75 сылынан өрөспүүбүлүкэ бюджетыттан бэтэрээннэргэ көрүллэр төлөбүрдэргэ анаан 130 мөл солк көрүлүннэ. Аныгыс нэдиэлэттэн харчыны ыытыы саҕаланыаҕа. Ил Дархан ыйааҕынан, төлөбүрдэри ылыыга ханнык да сайаапка суруллубат.  


Кыайыы 75 сылынан өрөспүүбүлүкэ баһылыгын ыйааҕынан бэтэрээннэргэ көрүллэр төлөбүрдэр сайаапката суох ыытыллаллар, ол эбэтэр бэтэрээн кимиэхэ эрэ этэр, ханна эрэ барар наадата суох. Үлэ министиэристибэтин «Аадырыстаах социальнай көмө» информационнай ситим дааннайдарыгар олоҕуран харчы бэриллэр.

«Сэрии оҕолоругар чопчулаан этиэм этэ. Бу төлөбүрү ылыыга хайаан да «Сэрии оҕото» дастабырыанньа баар буолара ирдэммэт. Бу төлөбүрдэр эмиэ ханнык да сайабылыанньата суох бэриллэллэр. Киһи төрөөбүт күнэ, ыйа, дьыла эрэ чуолкайданар. Бу өрөспүүбүлүкэ сокуонугар олоҕурар», — диэтэ миниистир Елена Волкова.

Өрөспүүбүлүкэ бюджетыттан бу сыалга 130 мөл солк көрүлүннэ. Төлөбүрдэр аныгыскы нэдиэлэттэн бэриллэн барыахтара. Ыам ыйын 9 күнүгэр диэри аадырыска тиийиэхтээхтэр.

Улуу сэрии кыттыылааҕар — 100 000 солк, сэрии толоонугар охтубуттар огдооболоругар — 30 000. «Блокаднай Ленинград олохтооҕо» бэлиэлээхтэргэ 30 000 солк, сэрии кыттыылааҕын огдооботугар 20 000 солк. Концлааҕыр сааһын ситэ илик хаайыылааҕар — 30 000 солк. Тыыл бэтэрээнигэр 10 000 солк. Сэрии оҕолоругар 3 000 солк. Хас да төлөбүргэ сөп түбэһээччилэргэ — биир саамай улахан кээмэйдээҕэ көрүллэр.

«Төлөбүрү ылааччы, кини ханна олороруттан тутулуга суох, министиэристибэ систиэмэтигэр баар аадырыстаах кинигэҕэ хайдах киллэриллибит сиригэр ылар. Сайаапка суруйара ирдэммэт», — быһаарда Волкова.

Өрөспүүбүлүкэҕэ күн бүгүн 79 сэрии кыттыылааҕа, 4800 тыыл бэтэрээнэ, 25 000 кэриҥэ сэрии оҕото, 27 блокаднай Ленинград олохтооҕо, 599 сэрии бэтэрээнин огдообото олорор.

Следите за самым важным и интересным в Telegram-канале и WhatsApp-группе ЯСИА