19 От ыйа 19.07
  • 14°
  • $ 87,88
  • 96,1

Өктөм үтүө санаалаахтара 96 ыалга бэлэх туттардылар

10:01, 26 января 2021
Текст:
Читайте нас на
Яндекс Новости
ЯДВ

Өктөм нэһилиэгэр үгэс буолбут «Үтүө санаа кустуга» акция буолла. Үтүө санаалаах дьон, тэрилтэлэр элбэх кыра оҕолоох ыалларга, соҕотох ийэлэр оҕолоругар минньигэс бэлэхтэри туттараллар.


Дьикти алыптаах остуоруйаны оҕолорго бэлэхтээбит, тэрээһини өйөөбүт чааһынай урбаанньыттарга, депутаттарга, нэһилиэк уопсастыбаннай түмсүүлэригэр, биирдиилээн дьоҥҥо, тэрилтэлэргэ тэрийээччилэр махталларын тиэрдэллэр.

«Өйөбүлгүт, итии-истиҥ сүрэххит, аһыныгас санааҕыт иһин махтанабыт, сүгүрүйэбит«, — диэн суруйаллар.

«Дьол уйата» дьиэ кэргэни түмэр коммерческайа суох тэрилтэ сылын аайы хатыламмат сценарийы айан, оҕолорго үрдүк үөрүүнү бэлэхтиир. Тымныы Оҕонньор, сиэнэ Хаарчаана уонна кинилэр остуоруйаларын геройдара хас биирдии дьиэ кэргэҥҥэ умнуллубат, кэрэ, алыптаах түгэни бэлэхтииллэр – бу туохха да тэҥнэммэт истиҥ, дьикти бэлэх буолан оҕолор сүрэхтэригэр, дууһаларыгар хааларынан уратылаах.

Түмсүүлэр түөрт биригээдэнэн хайдыһан, томороон тымныы үгэнин кэмигэр оҕолорго дьиэлэригэр кэрэ кэһиилээх тиийдилэр. быйылгы акция Тымныы оҕонньотторунан Ксенофонтов Владислав Владимирович, Слепцов Самир Хусейнович, Петров Артем Николаевич, Алексеев Василий Николаевич, Алексеев Александр Петрович буоллулар. Ксенофонтова Светлага Давыдовна, Ксенофонтова Ванесса Владимировна, Готовцева Сахаяна Руслановна, Исакова Варвара Егоровна, Петрова Лена Анатольевна Хаарчаана оруолун толордулар. Остуоруйа эльфалара: Максимов Эдуард, 5 кылаас, Максимов Иван, 3 кылаас. Суоппардар: Захаров Рустам Егорович, Халдеев Гаврил Васильевич, Алексеев Василий Николаевич, Петров Артем Николаевич.

Нэһилиэк үрдүнэн барыта 204 бэлэх хомуллан, 96 ыалга түҥэтилиннэ.

Акция Өктөм нэһилиэгин дьаһалтатын (аҕа баһылык Большаков А.Н.), уопсастыбаннай сэбиэт (салайааччы Платонова Р.Р.), «Дьол уйата» коммерческайа суох тэрилтэ (салайааччылар Владислав Владимирович, Светлана Давыдовна Ксенофонтовтар) тэрийиилэринэн буолан ааста, диэн СИА-ҕа суруйда Хаҥалас улууһуттан, Өктөмтөн Федора Фомина, А.С.Данилова аатынан «Барҕарыы» култуура киинин дириэктэрэ.

Следите за самым важным и интересным в Telegram-канале и WhatsApp-группе ЯСИА