27 Тохсунньу 27.01
  • -48°
  • $ 73,82
  • 83,32

Көҥүлэ суох тутуллубут быһыттан Покровскайдыыр суол ууга былдьаныан сөп

16:37, 04 апреля 2016
Текст:

Дьокуускайтан ырааҕа суох Шестаковка үрэххэ баар быһыт айылҕаны харыстыыр сокуону тутуспакка оҥоһуллубут. Ити түмүгэр Покровскайдыыр суол эҥэр баар даачалар, «Канада дэриэбинэтэ” сааскы халаан кэмигэр ууга былдьанар кутталлаахтар. Ити туһунан СИА-ҕа айылҕа харыстабылын кэмитиэтин госинспиэктэрэ Мария Мигалкина эттэ.


Уу сыһыаннаһыыларыгар департамент үлэһиттэрэ ити быһыты тутууга сайаапка киирбэтэҕин, тутууну көҥүллүүр докумуоннар суохтарын этэллэр. Биллэрэ диэн, 2- ГРЭС эбийиэгэ тутулла турар.

«Кылгас болдьох иһигэр сокуоннайа суохтук тутуллубут быһыты суох оҥоруохтаахпыт. Халаан кэмигэр быһыт элбэх ууну мунньуон сөп, ити биллэн турар чугастааҕы сиргэ-уокка кутталы үөскэтэр», — диэтэ Мария Мигалкина.

Инспиэктэр этэринэн, тус идэлээх дьон бэрэбиэркэлии сылдьаллар. Туппут дьон административнай эппиэтинэскэ тардыллыахтара.

0
0
Тутаах тыллар
27 января 27.01
  • -48°
  • $ 73,82
  • 83,32