23 Тохсунньу 23.01
  • -48°
  • $ 73,82
  • 83,32

Иһит олохтоохторо удьуор балыксыт дьон

11:44, 02 февраля 2016
Текст:

Булт кылгас кэмин куоттарбакка, дьон эбии харчылаһарга кыһаллар. Арыы сыаҕын маастара Мария Соловьева кыһыҥҥы кэмҥэ сыалыһар балыгы тутааччынан үлэлиир. Киниттэн бу тэрээһин туһунан туоһуластым.

— Саҥа дьыл кэнниттэн сыалыһары тутууну саҕалаабыппыт. Миэхэ кэргэним Афанасий Афанасьевич Еремеев көмөлөһөр, туттарааччыларбытынан — кэргэнии Лилия Леонтьевна уонна Владимир Дмитриевич Филипповтар, Максим Аркадьевич Тетерин, Николай Семенович Филиппов, Петр Леонтьевич Мурашов уонна Константин Васильевич Суханов буолаллар. Билиҥҥи туругунан, үс туоннаны туттардыбыт. Уу харчытыгар аахсар буолан, дьон интэриэһэ улахан. Үлэ маннык тэтиминэн бардаҕына, инникитин өссө элбэх киһи туттарыа дии саныыбын, — диир Мария Афанасьевна.

– Урут, холкуос, кэлин сопхуос эрдэххэ, манна саһыл фермата баара, онно балыгы райпотребсоюз нөҥүө туттарар буолаллара,  — диир балыктааһын туһунан кэпсэтиигэ кыттан Максим Аркадьевич. – Ол сөргүтүллэн, бу билигин биһиэхэ тиийэн кэллэ. Кийиит Лилия Леонтьевна «Балыксыт Коляны» утумнаан соҕотох балыксыт кэрэ аҥарынан буолар, дьэ киниттэн саҕалаан балыктааһын иккистээн тыын ылан күөрэйдэ.  Манна бары кэриэтэ Филипповтар, удьуор балыксыттар.  Урукку кэмҥэ биирдиилээн дьон балык туттаран «Буран» ыла сылдьыбыттара.

Иһит балыксыттара кэлэр сылга өссө элбэх балыгы туттарарга соруктаналлар, ол инниттэн балыктыыр күрүөлэрин хатыҥ сиэрдийэтин күһүн эрдэттэн бэлэмнииргэ былааннаналлар. Дьон-сэргэ оҕурсуттан, помидортан саҕалаан сир аһын — отону, хаптаҕаһы о.д.а туттарарга интэриэһэ улахан эбит.

0
0
23 января 23.01
  • -48°
  • $ 73,82
  • 83,32